[另類英文認字法］差一點先生

我一向教學目標要女兒學好中文，家裡也不是英語語境，因此女兒對英文的學習確係停滯。

隨著女兒升小一在即，開研究有什麼方法讓她容易記字，phonics，點讀筆，pictogram也沒用。結果，竟然係用趣怪卡通串連word family有用，再及後改一字變一字，即使發音不同，也很快就記到了。再加上給孩子參與，增加成功感。

大家估到下圖代表什麼生字?共通點是什麼？

由於小朋友係廣東話語境，我會先講故事。

有隻貓頭鷹，英文owl, 然後同佢串讀一次。

有一日，佢搵到個bow呔好鐘意帶返屋企。

串讀bow，小朋友可能已意識到相似地方。

然後佢用棍(意旨l)掛起個bow,就變左個bowl出嚟呀。

原來bow+owl=bowl.

咁情況下其實只有加/轉一個字母，小朋友好快就記到3個字。

唔怕曲折離奇，只求荒誕好笑就會覺得好玩好記。

再嚟一個。有一日，媽咪起身伸隻腳（leg)落床,然後聽到有大叫聲，唔好睬我呀。原來係隻蛋（egg)呀。

題外話，顔色和字都係女兒用電繪板填色配字的。她笑隻蛋太驚流汗變咗藍色。

再來一個，純粹馬想住屋覺得間屋係佢，知唔知點解？因為horse 同house 差個u字,馬仔睇咗horse以為自己架。

再來3個圖，你又搵唔搵到共通點同點作一個荒誕有趣嘅故事呢？

我正職係社工，唔係教育工作者，但係工作和成長嘅啟示入面，我回望細個點學英文，其實除左死背，仲有中文拼音，例如，peach會變成p廚，到大個啲明白拆字，例如example,係ex-am-ple，peanut, peacock, peak都有pea...唔係正統，但係相信好多人都係咁長大...

到工作上，因為從事長者工作，令我學習點樣把複雜事情簡化，同所有嘅活動原則係最重要係開心和成功感，只有嗰件事令你開心（包括成功感），你先會有動力繼續。其實小朋友更加係，哪個小朋友唔鐘意玩？唔鐘意叻？

我地80、90、甚至千禧家長都可能歷練學習的痛苦，我地自己都好快陷入讀書係辛苦，讀書係悶嘅思想謬誤入面。但又千方百計搵唔同方法，上唔同興趣班幫助。其實如果令件事好玩啲，小朋友有得參與，開心嘅話就係好方法啦。

希望家長也可以跳出框框搵到啱小朋友嘅好玩讀書法，喺讀書苦困中搵一點罅隙。